Mookt Se mit – Se köönt blots gewinnen!

Mehr Sekerheit un Lebensqualität dör Mammographie

De beste Oort un Wies den Krebs in de Bost rechttiedig to finnen, is de Mammographie.
Mit düsse Röntgenünnersöken vun de Bost köönt sülvst de lüttsten Tumore
funnen warrn. Un je ehrder de Tumore funnen ward, desto grötter sünd de
Schangsen den Tumor to behanneln un to heelen. Mit Hölp vun de
Mammographie vun Tiet to Tiet köönt Verännerungen in de Bost rechttiedig
ünnersöcht un funnen warrn, lang vör de Tiet wo en den Tumor bi’n Tasten marken kann.

In dat Rebeet twüschen Elv un Weser ward Froonslüüd twüschen 50 un 69 all
twee Johren to de Mammographie inlodt. Düsse Ünnersöken gifft dat
siet 2006 un se heet “Mammographie-Screening-Programm”.
Dor hen to gohn is freewillig un köst nix för all Froonslüüd de in in ene gesetzliche Krankenversekerung sünd. Dor mutt ok kene Praxisgeld för betohlt warrn.
För Froonslüüd, de privot krankenversekert sünd ward de Kösten dör enen Verdrag
övernohmen.

De Inlodung to de Ünnersöken ward verschickt vun de Zentralstelle bi’n Gesundheitsamt in Bremen. Froonslüüd, de in Stood, Cuxhoben, Buchholz oder
Winsen anmeldt sünd, ward in de Screening-Krankenhüüs Dr. Hancken ( Stood) oder de Krankenhüüs in Cuxhoben, Winsen oder Buchholz ünnersöcht.
Froonslüüd, de in annere Dörper in dat Rebeet twüschen Elv un Weser wohnt, ward inlodt no dat “Mammobil” to gohn. Dat is en Bus mit en Röntgenapparot, de över de Dörper föhrt. ( Ünner “Termine” könnt Se finnen, wonehr dat “Mammobil”
in welket Dörp is)

De Ünnersöken in dat Mammobil sünd jüst so as in de Krankenhüüs. De Röntgenapparote, die insett ward, hebbt jüst so wenig Strohlung, so bruuk en dor keen Bang bi to hebben. Twee Radiologen kiekt sik de Röntgenbiller an. Wenn se nix finnen doht, kriegt de Froonslüüd dat to weten.

Schull bi de Ünnersöken wat opfällig ween, ward de Froonslüüd to’n tweete Ünnersöken in de Screening-Krankenhüüs in Stood, Cuxhoben, Buchholz oder Winsen inlodt.
Dor ward denn noch mol en Ultraschall mookt un villicht ok en lütt beten
Gewebe rutnohmen. De Doktor snackt denn mit de Froo doröver wat dor bi de Ünnersöken rutkomen is.
In de meersten Fälle sünd sülvst lütte Veränderungen in dat Gewebe vun de Bost nich
bösortig un de Froo ward denn in twee Johren erst to de nehgste Ünnersöken
bestellt.